нигерийәдә қечип кәткән 838 мәһбустин 446 си тутулди
нигерийәниң ойо өлкисидики түрмиға қилинған қораллиқ һуҗумда қечип кәткән йүзлигән мәһбустин 446 и қолға чүшти.
1724582
түркийә авази радийоси хәвири: нигерийә ички ишлар министири рауф арегбесола ахбаратларға бәргән байанатида, 22-өктәбир аболонго районидики түрмидин қечип кәткән 838 мәһбустин 446 синиң қолға елинғанлиқини ейтти.
арегбесола һуҗум җәрйанида 69 мәһбусниң қечишни рәт қилғанлиқини әскәртип, «әң ахирқи һесабқа асасланғанда, қечип кәткәнләрдин 446 си тутулди, 392 мәһбус һазирғичә тепилмиди» деди.
арегбесола райондики аһалиләрни қечип кәткән мәһбусларға йардәм қилмаслиққа чақириқ қилди.
қораллиқ унсурларниң 22-өктәбир кәчтә қилған һуҗумида, икки түрмә хадими җенидин айрилған вә нурғун киши йариланған иди.
