b d t uyghur aptonom rayoni üchün chaqiriqta boldi
türkiyenimu öz ichige alghan 43 dölet birleshken döletler teshkilatida, xitayni b d t kishilik hoquq aliy komissari we musteqil közetküchilerning derhal we tosalghusiz uyghur aptonom rayonini ziyaret qilishigha ruxset qilishqa chaqirdi.
türkiye awazi radiyosi xewiri: birleshken döletler teshkilati omumiy kéngishining kishilik heq - hoquq mesililiri muzakire qilinghan 3 – nöwetlik komitét yighinida, türkiyenimu öz ichige alghan 43 dölet, ortaq bayanat élan qilip, uyghur aptonom rayonidiki kishilik hoquq depsendichilikliridin endishe qiliniwatqanliqini bildürdi.
ishenchlik doklatlarda, bir milyondin artuq kishining xalighanche qolgha élinip, qamalghan «siyasiy telim - terbiye» lagérlirining barliqigha isharet qilinghanliqi eskertilgen bayanatta؛ ten jazasi (qiyin – qistaq), insan qélipidin chiqqan we peskesh muamililer, mejburiy tughmasliq qilish, jinsiy zorawanliq we balilarni ailisidin mejburi ayriwétishni ispatlap béridighan doklatlarning barghanséri köpiyiwatqanliqi bayan qilindi.
uyghurlar we bashqa az sanliqlarning tengpungsiz bir shekilde teqib astigha éliniwatqanliqi eskertilgen bayanatta, uyghur aptonom rayonidiki uyghur türkliri we bashqa az sanliq musulmanlargha bésim ishlitish we zorawanliq qilish bilen eyibliniwatqan xitay, «b d t kishilik hoquq aliy komissari we musteqil közetküchilerning derhal we tosalghusiz rayonni ziyaret qilishi» gha ruxset qilishqa chaqiriq qilindi.
bayanatta yene, xitay, xelqaraliq mejburiyetlirini ada qilishqa we kishilik hoquqqa hörmet qilishqa chaqirildi.
birleshken döletler teshkilati we bashqa xelqaraliq teshkilatlar, xitayni lagérlarni tekshürüsh üchün échiwétish chaqiriqini tekrarlimaqta, xitay hökümiti bolsa bu eyibleshlerni ret qilmaqta, hemde birleshken döletler teshkilati dairilirining biwasite melumatqa érishish üchün rayonda erkin tekshürüsh élip bérish telipige ruxset qilmaywatmaqta.
