америка сахта дорилар тоғрисида җиддий агаһландуруш елан қилди
америкада иҗтимаий таратқу вә електронлуқ сода супилирида кәң тарқалған сахта дорилар тоғрисида агаһландуруш елан қилинди.
түркийә авази радийоси хәвири: америка зәһәрлик чекимликни чәкләш идариси елан қилған агаһландурушта, бу дориларниң тәркибидә фантанил вә метафетамин қатарлиқ әҗәллик маддиларниң барлиқин билдүрүлди.
америка даирилири аммини тор бәтләрдин ретсеплиқ дориларни сетивалмаслиқ һәққидә агаһландурди.
зәһәрлик чекимликни чәкләш идариси (DEA) директори анни милграм, «хәтәрлик вә һәддидин зийадә хумар қилидиған, химийәлик маддиларни өз ичигә алған сахта дорилар илгирикигә қариғанда техиму әҗәллик вә техиму асан тапқили болидиған болуп қалди» деди.
зәһәрлик чекимликни чәкләш идариси (DEA) ниң тәҗрибиханисиниң тәһлилидә көрситилишичә, һәр бәш сахта доридин иккисниң тәркибидә йошурун әҗәллик маддилар бар икән.
америкида зәһәрлик чекимликтин өлгәнләрниң сани өткән йили 93 миңға йетип, тарихтики әң йуқири рекортни йарат болуп, бу 2015-йилдин буйанқи тунҗи қетимлиқ ашкара агаһландуруш икән.
бу йил һазирға қәдәр 9 милйон 500 миңдин артуқ сахта дора қолға чүшүрүлгән. бу сан йеқинқи икки йилниң йиғиндисидинму көп.
сахта дориларниң мутләқ көп қисми мексикида ишләпчиқирилмақта.
مۇناسىۋەتلىك خەۋەرلەر
һәҗдә вапат болғанларниң сани 1300 дин ашти
сәуди әрәбистанда һәҗ ибадитини ада қилш җәрйанида 1301 кишиниң вапат болғанлиқи елан қилинди.
