җо байдинниң хитай билән йеңи соғуқ уруш қилиш нийити йоқлиқини җакарлиши хитайни үмитләндүрди
хитайниң бирләшкән дөләтләр тәшкилатида турушлуқ даимий вәкили җаң җүн америка пирезиденти җо байдинниң хитай билән «йеңи соғуқ уруш» башлаш нийити йоқлиқи һәққидики байанатиниң әмәлийләштүрүлишини үмид қилидиғанлиқини ейтти.
түркийә авази радийоси хәвири: җаң дүшәнбә күни ахирлашқан б д т омумий кеңиши рәһбәрләр йиғинидин кейин тор арқилиқ мухбирларни күтүвелиш йиғини чақирди.
җаң американиң «хитайға қарши туқунуш характерлиқ позитсийәси» дин вә «күшкүрткүч һуҗумлири» дин сақлиниши керәкликини ипадиләп, байденниң хитай билән йеңи соғуқ уруш башлашни халимайдиғанлиқиға даир байанатиниң әмәлийләштүрүлишини үмид қилидиғанлиқини ейтти.
хитайниң бирләшкән дөләтләр тәшкилатида турушлуқ даимий вәкили җаң американиң соғуқ уруш логикисидин ваз кечип, әмәлий һәрикәткә өтүшини сәмимий үмид қилидиғанлиқини тәкитлиди.
җаң, «ишинимәнки, икки тәрәп бир-биригә қарап тоғра маңса, сағлам вә муқим болған хитай-америка мунасивитини ишқа ашурғили болиду. ундақ болмиғанда, оттурида әндишиләр йәнила давам қалиду» деди.
б д т баш катипи антонийо гутеррес хитай билән америкини «соғуқ уруш» тоғрисида агаһландуруп, пүтүнләй начарлашқан өзара мунасивәтлирини әслигә кәлтүрүшни тәләп қилған иди.
مۇناسىۋەتلىك خەۋەرلەر
афғанистанда кәлкүн апитидә 14 адәм қаза қилди
афғанистандики кәлкүн апитидә йеқинқи 3 күн ичидә охшимиған вилайәтләрдә 14 адәм һайатидин айрилди.
путин әтә қәсәм берип, йеңи вәзипә өтәш муддитини башлайду
русийә пирезиденти владимир путин әтә (7- майда) қәсәм берип, йеңи вәзипә өтәш муддитини башлайду.