sudanda bir türküm eskerler herbiy özgirish qozghashqa urundi
sudanning paytexti xartumda bezi herbiy aptomobillarni qolgha kirgüzüwalghan bir guruppa eskerning herbiy özgirish qozghashqa urunush herikitining meghlubiyet bilen axirlashqanliqi bildürüldi.
1708537
türkiye awazi radiyosi xewiri: sudan dölet téléwiziyesi we radiyoliri tarqitishlirini toxtitip chaqmaq xewer élan qilip, xelqni herbiy özgirishke qarshi turushqa chaqirdi.
resmiy dairiler, paytextning umdurman rayonidiki bir guruppa eskerning bezi herbiy aptomobillarni qolgha kirgüzüp herbiy özgirish qozghashqa urunghanliqini jezmleshtürdi.
sudan igilik hoquq kéngishi bayanatchisi muhemmed elfeqi sulayman feysbuktiki adrésida bayanat élan qilip, weziyetning muqimlashturulghanliqini bildürdi we xelqni döletni, siyasiy musapige qedem qoyush jeryanini qoghdash üchün herbiy özgirishke qarshi turushqa chaqirdi.
herbiy özgirish qozghashqa urunghan 40 eskerning nazaret astigha élinghanliqi uqturuldi.
