engliyede ichki ishlar ministirliqi köchmen balilargha tutqan pozitsiye sewebidin sotlanmaqta
engiliyede bir xeyr-saxawet orgini dölet ichidiki köchmen balilargha qilinghan muamile sewebidin ichki ishlar ministirliqi we sheherlik hökümet kéngishi üstidin sotqa erz sundi.
türkiye awazi radiyosi xewiri: engiliye ichki ishlar ministirliqi we sheherlik hökümet kéngishi engiliyege kichik kémiler bilen kelgen balilargha qarita «qanunsiz we kemsitish» xaraktérlik muamile qilghanliqi sewebidin qanuniy jazagha tartilish aldida turmaqta.
sotqa erz sunghan «Detention Action» orgini afghanistanliqlarnimu öz ichige alghan quramigha yetmigen balilarning ichki ishlar ministirliqining bir terep qilish merkizide bir nechche küngiche tutup turulghanliqi we yéterlik qollash bilen teminlenmestin méhmanxanilargha orunlashturulghanliqi sewebidin sotqa erz sunghan idi.
bezi chaghlarda hetta, balilarning heptilergiche kiyim-kéchek yaki ayaghlirini almashturalmighanliqi, qanuniy meslihet we iqtisadiy yardem bilen teminlimestin méhmanxanilargha tashlap qoyulghanliqi bildürüldi.
sotqa erz sunghan «Detention Action» orgini sheherlik hökümet kéngishining balilarni béqish mejburiyitige xilapliq qilghanliqini we yéngi kelgen köchmen balilarning engiliye puqraliri yaki bashqa balilargha sélishturghanda biwasite kemsitishke uchritilghanliqini otturigha qoydi.
xeyr-saxawet orgini déloning ikkinchi jawabkari bolghan ichki ishlar ministirliqiningmu hemrahsiz, quramigha yetmigen balilarni qanunsiz tutup turghanliqi we ularni ehmiyet bérilmigen bir shekilde méhmanxana turalghulirigha orunlashturghanliqini hemde yerlik mesullarningmu mesuliyetni üstige élishni békitmigenlikini ilgiri sürdi.
