б д т муавин баш катипи сүрийә, ливан вә түркийә зийаритини башлиди
бирләшкән дөләтләр тәшкилатиниң инсанпәрвәрлик хизмәтлиригә мәсул муавин баш катипи вә җидди йардәмләрни маслаштуруш дириктори мартин гирифтс сүрийә, ливан вә түркийәни өз ичигә алған йәттә күнлүк зийаритини башлиди.
1699129
түркийә авази радийоси хәвири: б д т тәрипидин елан қилинған йазма байанатта, «гирифтис әпәндиниң зийарити җәрйанида йуқири дәриҗилик һөкүмәт әмәлдарлири билән шундақла сүрийә, ливан вә түркийәдики инсанпәрвәрлик вә ианә җәмийәтлириниң вәкиллири билән көрүшидиғанлиқи мөлчәрләнмәктә» дейилди.
байанатта йәнә, гирифтсниң бу дөләтләрдики панаһланғучилар биләнму көрүшидиғанлиқи әскәртилип, «сүрийәниң ғәрбий шималидики милйонлиған кишиләр үчүн интайин муһим болған чегра һалқиған инсанпәрвәрлик паалийәтлирини көрүшму униңға нисбәтән муһим бир пурсәт болиду» дейилди.
