baydin intiqam alimiz dep qesem qildi

türkiye awazi radiyosi xewiri: amérika pirézidénti jo baydin kabuldiki térrorluq hujumi heqqide toxtalghanda, hujumni peyda qilghuchilardin hésab alidighanliqlirini bildürüp, intiqam élishqa qesem qildi.

u: «hujumni <daésh-xurasan> dep bilinidighan guruppa peyda qildi» dédi.

u yéqinqi künlerde daésh-xurasanning kabuldiki ayrodurumgha hujum qilidighanliqi toghrisida melumatlarni tapshurup alghanliqlirini eskertip, bu sewebtin afghanistandin chékinishni 31-awghustqiche axirlashturushta qetiy qarargha ige ikenliklirini éytqan idi.

b b s tünügünki hujumda jénidin ayrilghanlar sanining 90 gha chiqqanliqini, eng az dégende 150 kishining yarilanghanliqini xewer qildi.

amérika merkiziy armiye qomandanliq ishtabining bayanatchisi bil urban (Bill Urban) hujumda qénidin ayrilghan amérika eskerliri sanining 13 ke, yarilanghanlarning bolsa 18 ge chiqqanliqini élan qildi.

nam-sheripini ashkarilashni xalimighan talibanning bir mesuli, partlashta 28 taliban ezasining jénidin ayrilghanliqini qeyt qildi.