исраилийә билән маракәш өзара әлчихана ечишқа пүтүшти
маракәштә дөләт ишлири зийаритидә болған исраилийә ташқи ишлар министири йаир лапид, икки дөләтниң өзара әлчихана ечиш тоғрулуқ пүтүшкәнликини ейтти.
түркийә авази радийоси хәвири: лапид, дөләт ишлири зийаритини ахирлаштурғандин кейин, казабланка шәһиридә өткүзгән ахбарат елан қилиш йиғинида, икки дөләт мунасивәтлириниң тәрәққийати һәққидә мәлумат берип, маракәш ташқи ишлар министири насир бурита билән, өзара дипломатик вакаләтхана сәвийәсини йүксәлдүрүш мәсилисидә бирдәклик һасил қилғанлиқлирини, бу һәқтә йеқинда иҗабий қәдәмләрниң ташлинидиғанлиқини, әлчиханиларниң 2 ай ичидә ечилишиниң күтүлүватқанлиқини қәйт қилди.
маракәш падишаһи 6 – муһәммәд вә ташқи ишлар министири буритаға миннәтдарлиқ билдүргән лапид, икки дөләт мунасивәтлириник дипломатик, иқтисадий вә мәдәнийәт саһәлиридә йәниму йүксәк сәвийәгә йәткүзүлидиғанлиқини тәкитлиди.
у, маракәш билән исраилийә оттурисида имзаланған мунасивәтләрни норманллаштуруш келишимидин кейинки тунҗи рәсмий зийарити даирисидә йетип барған маракәштә, түнүгүн исраилийә учур - алақә ишханисини ачқаниди.
