пирезидент моисени қәстләп өлтүрүш җинайитиниң баш гомандариниң қолға чүшүрүлгәнлики билдүрүлди
һайти пирезиденти җовенел моисени қәстләп өлтүрүш җинайити баш җинайәтчилириниң бири икәнлики илгири сүрүлгән җинайәт гумандари назарәт астиға елинди.
түркийә авази радийоси хәвири: мәһәллий таратқулар, бихәтәрлик қисимлирини бу вәқәни давамлиқ тәкшүрүватқанлиқини илгири сүрди.
һайти даирилири, тәкшүрүш даирисидә америка қошма иштатлириниң флорида ишитатида олтурушлуқ хиристийан еммануел санон исимлик дохтурниң назарәт астиға елинғанлиқини, мәзкур кишиниң моисени қәсләп өлтүрүш вәқәсиниң асаслиқ пиланлиғучилириниң бир икәнликини уқтурди.
дөләтлик сақчи идариси дериктори леон чарлез мәтбуатларға бу һәқтә байанат берип: «һуҗумчиларни қоршавға елиш һәрикитиниң асаслиқ нишани еммануел санонни қолға чүшүрүш иди» дегәнләрни қәйт қилди.
һайти сақчилири из қоғлап қолға чүшүрүш һәрикити җәрйанида, пирезидент моисени қәстләп өлтүрүш вәқәси билән четишлиқи барлиқидин шүбһиләнгән 17 колумбийәлик вә теги америкалиқ икки һайтилиқ гумандарниң қолға елинғанлиқини уқтурғаниди.
һайти сақчилири, алтә кишини қолға чүшүрүш хизмәтлириниң давамлишиватқанлиқини, бу мәсилидә амминиң сақчилар билән һәмкарлишип һуҗумчиларни тепишип беришини тәләп қилғаниди.
бир гуруппа қораллиқ кишиләр һайтиниң 53 йашлиқ пирезиденти моисениң өйигә бастуруп кирип, уни өлтүргән, айали мартен мойсни еғир йариландурғаниди.
моисе өйидә суйиқәсткә учрап өлтүрүлгәндин кейин, вақитлиқ баш министир клавуд җосеф, дөләт миқйасида җиддий һаләт елан қилғаниди.
