baydin: afghanistandiki herbiy wezipimiz 31 - awghustta axirlishidu

türkiye awazi radiyosi xewiri: baydin amérikaning afghanistandin chékinishige munasiwetlik muxbirlarni kütüwélish yighinida, dölitining afghanistanni dölet qilip qurup chiqish üchün ishghal qilmighanliqini éytti.

baydin, afghanistangha 11- séntebir weqesining jawabkarliri we usame bin ladinni qolgha chüshürüsh üchün kirgenliklirini ilgiri sürüp: «afghanistandiki wezipimiz 31 – awghust axirlishidu. taliban herbiy jehettin élip éytqanda, 2001 – yilidin buyanqi eng küchlük künlirini bashtin kechürmekte. u yerde turushni dawamlashturghan bolsaq, eskerlirimiz téximu köp hujumgha uchrighan bolatti» dédi.

chékinish qararini aqlighan we 20 yilliq ishghaliyettin kéyin afghanistanda turuwérishning buningdin köp ishqa yarimaydighanliqini bildürgen baydin: «siler yene qanche ming amérikaliq qiz -  oghulni xeterge ittirishke razi bolisiler. u yerde yene qanchilik turushimizni xalaysiler? hazir u yerde buningdin 20 yil  ilgiri ata – anisi afghanistanda jeng qilghan eskerlirimiz bar. ularning baliliri we newrilirinimu ewetemsiler? öz oghlunglar yaki qizinglarni ewetemsiler? aridin 20 yil ötti, afghanistan dölet bixeterlik we mudapie qisimlirini terbiyelesh we qorallandurush üchün serp qilinghan bir tirilyon dollar, öltürülgen 2448 amérikaliq, yarilanghan 20 ming 722 esker we rohiy saghlamliqi misli körülmigen derijide jarahetlinip yurtigha qaytqan nechche ming eskerdin kéyinki hazirqi sharaitta, yéngi bir ewladni perqliq birer nishangha yétish üchün aqilane birer ümid bolmay turup afghanistangha jeng qilishqa ewetmeymen» dégenlerni qeyt qildi.