қаратағда ирқий қирғинчилиқни инкар қилған министир вәзиписидин елип ташланди
қаратағ парламенти қошна дөлити боснийә-гертсеговинада 1995-йили йүз бәргән сребренитса ирқий қирғинчилиқини етирап қилиш вә инкар қилғанларни җазалашқа мунасивәтлик қанун тәклип-лайиһәсини көп аваз билән қобул қилди.
түркийә авази радийоси хәвири: қаратағда сребренитса ирқий қирғинчилиқни инкар қилған байанатлири билән күнтәртипкә кәлгән әдлийә һәмдә инсан билән аз санлиқларниң һәқ-һоқуқи министири владимир лепосавиҗ (Vladimir Leposavic) һоқуқидин елип ташланди.
боснийә-гертсеговинада 8 миңдин артуқ бошнақ серб һәрбий қисимлири тәрипидин қирғин қилинған ирқий қирғинчилиқни инкар қилған байанатлар елан қилинғандин кейин, қаратағдики бошнақ партийәси тәрипидин ирқий қирғинчилиқни етирап қилишқа мунасивәтлик тәййарланған қанун лайиһәси, 55 парламент әзасиниң қоллиши билән парламентта қобул қилинди. қанун лайиһәсигә 19 парламент әзаси рәт авази ташлиди, йәттә парламент әзаси һоқуқидин ваз кәчти.
қанун лайиһәсини парламентниң күнтәртипигә елип кәлгән бошнақ партийәсиниң парламент әзалиридин әрвин ибраһимовиҗ парламенттта қанун лайиһәсиниң қобул қилинишиниң, қаратағда мурәссә үчүн муһим қәдәм болғанлиқини қәйт қилди.
сребренитса ирқий қирғинчилиқини инкар қилған байанатлири билән мәзкур вәқәни пәйда қилған министир лепосавиҗ 43 парламент әзасиниң қоллиши билән вәзиписидин елип ташланди. буниңға, 27 парламент әзаси рәт авази ташлиди, 10 парламент әзаси һоқуқидин ваз кәчти.
серб «қассап» ратко младиҗ қоманданлиқидики серб һәрбий қисимлири 1995-йили 11-ийул боснийә-гертсеговинаниң шәрқидики сребренитсаға бесип кирип бир қанчә күн давам қилған ирқий қирғинчилиқта, әң аз дегәндә 8 миң 372 бошнақ өлтүрүлгән вә җәсәтлири охшимиған қәбристанлиқларға көмүлгән.
хәлқара җинайи ишлар соти 2007-йили чиқарған қарар билән, сабиқ йугославийә хәлқара җинайи ишлар соти (ICTY) ниң дәлил-испатлириға асасән сребренитса вә әтрапида йүз бәргәнләрни «ирқий қирғинчилиқ» дәп атиған иди.
