си ай и афғанистандики мәшғулат иқтидарини сақлап қелишниң йеңи йоллирини издимәктә

түркийә авази радийоси хәвири: америка пирезиденти җо байдин 11-сентәбир вәқәсиниң хатирә күнигичә барлиқ америка әскәрлирини афғанистандин чекинидүридиғанлиқлирини җакарлиғандин кейин, узун өтмәй %44 америка әскири чекинишни тамамлиди.

чекиниш хизмәтлири наһайити тез давамлашти, американиң афғанистандики һәрикәтлириниң йүрики һесаблинидиған мәркизий ахбарат идариси (CIA) пат йеқинда афғанистандики барлиқ базилирини тақайдиған болди.

һәм америка дөләт мудапиә министирлиқи (бәшбурҗәклик бина), һәм истихбарат оргини афғанистандики террорлуққа қарши күрәш һәрикәтлиригә сирттин мудахилә қилалайдиған шәкилдә пиланларни түзмәктә.

«нйу йорк вақти гезити» гә чиққан вә мәсилигә мунасивәтлик бәзи мәсулларниң қарашлирини мәнбә қилған бир анализға асасланғанда, америка мәркизий ахбарат идариси афғанистан мәсилиисдә нурғунлиған таллашларға қарап чиқмақта. лекин техичә афғанистанда һәрикәт елип бериши үчүн һечқандақ бир дөләтниң америка мәркизий ахбарат  идарисиға база қуруш рухсити бәрмигәнлики алақидар мәсулларни әндишәләндүрмәктә икән.

анализда билдүрүлишичә, буниң үчүн таллашқа болидиған дөләтләрдин  бирси пакистан болуп, лекин пакистан һөкүмити очуқ һалда  америкаға афғанистандики һәрикәтләрдә пайдилиниши үчүн базилирини ечип бәрмәйдиғанлиқини җакарлиған.