gérmaniye bilen firansiye türkiye bilen bolghan munasiwetliri toghrisida bayanat élan qildi

türkiye awazi radiyosi xewiri: gérmaniye bilen firansiyening gérmaniyening sahibxanliqida tor muhitida ötküzülgen birleshme ministirlar yighinidin kéyin, kowid – 19 yuqumi, kilimat özgirishige taqabil turush, iqtisadiy siyaset, reqemlik özgirish we xelqaraliq mesililerni öz ichige alghan 62 maddiliq bir xitabname élan qilindi.

xitabnamining «xelqaraliq mesililerde hemkarliq» témiliq bölümide türkiyegimu orun bérilip: «sherqiy aqdéngizdiki yirikchiliqni peskuygha chüshürüsh tirishchanliqining dawamlishishi we rayon xaraktérlik kirizislarning hel qilinishigha berpachi töhpe qoshushi sherti bilen, türkiye bilen özara nep yetküzüshni chiqish qilghan hemkarliq munasiwetliridiki istratégiyelik menpeetlirimizni yene bir qétim mueyyenleshtürimiz we özara berpachi muhitta hemkarliqni kéngeytishke teyyarmiz» déyildi.

xitabnamide, sherqiy aqdéngizdiki barliq küchlerning négizlik mesililerge sijil hel qilish charisi tépishqa töhpe qoshushqa ilhamlandurulghanliqi tekitlendi.