фирансийә б д т хәвпсизлик кеңишигә лайиһә суниду
фирансийә б д т хәвпсизлик кеңишигә исираилийә билән пәләстин оттурисида уруш тохтитишни тәләп қилған лайиһә суниду.
түркийә авази радийоси хәвири: б д т хәвпсизлик кеңиши исираилийә билән пәләстин оттурисида йүз бәргән сүркилишни вә ғәззәгә қилиниватқан һава һуҗумлирини музакирә қилиш үчүн 4-қетим йепиқ шәкилдә топланди.
дипломатик мәнбәләрдин елинған мәлуматларға асасланғанда, фирансийә б д т хәвпсизлик кеңишигә тунис билән бирликтә «уруш тохтитиш вә инсанпәрвәрлик йардими йәткүзүш» ни тәләп қилған лайиһә сунидикән.
кеңәшниң нөвәтчи рәиси хитайниң даимий вәкили җаңҗүн йиғиндин кейин, мухбирларниң зийаритини қобул қилип: «тоқунушлар, зораванлиқлар ахирлишиши, пуқралар қоғдилиши керәк» деди.
б д т хәвпсизлик кеңиши исираилийә-пәләстин киризисини музакирә қилиш үчүн буниңдин бурун үч қетим топланди, бирақ американиң рәт қилиши сәвәбидин һазирғичә конкрет қәдәм бесилмиди.
б д т ниң мәлуматлирида көрситилишичә, исираилийәниң ғәззәгә қилған һава һуҗумлири сәвәбидин 58 миңдин артуқ пәләстинлик йурт-маканлиридин айрилған.
исираилийәниң 10-май (2021) дин тартип ғәззәгә қилған һуҗумлирида, 63 кичик бала вә 36 айални өз ичигә алған 220 пәләстинлик шеһит болған, 1500 киши йариланған.
