исламофоби (исламға өчмәнлик қилиш еқими) ға қарши қәтийлик билән күрәш қилиш лазим
пакистан баш министири имран хан ислам һәмкарлиқ тәшкилатини исламофоби (исламға өчмәнлик қилиш еқими) ға қарши қәтийлик билән күрәш қилишқа чақирди.
түркийә авази радийоси хәвири: баш министир имран хан пайтәхт исламабадта ислам һәмкарлиқ тәшкилатиға әза дөләтләрниң баш әлчилири билән бир йәргә җәм болди.
имран хан пәйғәмбәр әләйһиссаламға қарита һақарәт характерилик байанатларниң 1 милйард 500 милйон мусулманни еғир йарилиғанлиқи вә буниң һәргизму пикир әркинлики мәсилиси әмәслики һәққидә ислам дөләтлириниң ғәрб дөләтлирини қайил қилишта утуққа еришәлмигәнликини ейтти.
имран хан қандақла чағда террорлуқ вәқәси йүз бәрсә, ғәрб дөләтлириниң пүткүл ислам дунйасини йаман көрситиватқанлиқини тәкитләп, хусусий вәқәләрниң барлиқ мусулманларниң һәрикитидәк көрситилмәслики вә аталмаслиқи керәкликини билдүрди.
имран хан бирәр киши тәрипидин садир қилинған һәр қандақ террорлуқ йаки террорлуқниң ипадилирини ислам вә барлиқ мусулманларниң күчлүк әйибләйдиғанлиқини тәкитләп: «исламни терорлуққа четиш пүтүнләй наһәқчилиқтур» деди.
имран хан исламни «радикаллиқ вә террорлуқ» қа четишқа шундақла исламофобиға қарши қәтийлик билән күрәш қилиш үчүн ислам һәмкарлиқ тәшкилатиға чақириқ елан қилди.
имран хан хәлқара җәмийәтниң мусулманларниң пәйғәмбиригә вә қуранға болған чоңқур муһәббити вә һөрмитини чүшинишигә капаләтлик қилиш үчүн ислам һәмкарлиқ тәшкилатиға бирликтә хизмәт қилиш тәклипи сунди.
