байдин җәнубий корейә пирезиденти билән көрүшиду
америка қошма иштатлири пирезиденти җо байдин 21 – май күни ақсарайда җәнубий корейә пирезиденти мон җаин билән көрүшиду.
түркийә авази радийоси хәвири: ақсарай байанатчиси йен псаки, бу һәқтә елан қилған байанатида, мундақ деди: «пирезидент байдин, 2021 – йили, 21 – май күни, ақсарайда җәнубий корейә пирезиденти мон җаинни қобул қилишни төт көз билән күтмәктә. җәнубий корейә пирезиденти мон җаинниң зийарити, икки дөләт оттурисидики күчлүк иттипақдашлиқ, икки дөләт һөкүмәтлири, хәлқлири вә иқтисадий саһәлири оттурисидики кәң даирилик вә чоңқур мунасивәтниң интайин мустәһкәм икәнликини йәнә бир қетим испатлап бериду, икки дөләт оттурисидики иттипақдашлиқни күчәйтиш, зич һәмкарлиқниң даирисини кеңәйтиш үчүн, пирезидент байдин җәнубий корейә пирезиденти мон җаинни күтүвелишни төт көз билән күтмәктә.»
2021 – йили, 20 – йанвар күни, америка қошма иштатлирида вәзипигә олтурған җо байдин ақсарайда йүзтуранә көрүшклән тунҗи рәһбәр, йапонийә баш вәзири суга йушиһиде болғаниди. икки рәһбәр, 16 – апрел күни ақсарайда бир йәргә җәм болғаниди.
җәнубий корейә пирезиденти мон җаин, байдин ақсарайда йүзтуранә көрүшкән иккинчи рәһбәр болиду.
америка қошма иштатлири ташқи ишлар министири антони блинкен билән дөләт мудапиә министири ллойид астинму, тунҗи чәт әл зийарәтлири даирисидә, җәнубий корейә вә йапонийәдә дөләт ишлири зийаритидә болғаниди.
