yéngi zélandiye xitaygha charwilarni déngiz arqiliq éksport qilishni cheklidi
ministir okonnor yéngi zélandiyening eng chong soda shériki we asasliq tirik kala sétiwalghuchisi bolghan xitaygha bu cheklime heqqide uqturush qilinghanliqini, biraq xitaydin téxiche jawab alalmighanliqini eskertti.
türkiye awazi radiyosi xewiri: yéngi zélandiye haywanlarning bixeterlikige dair endishe sewebidin, charwilarning déngiz arqiliq éksport qilinishini cheklidi.
yéngi zélandiye yéza igilik ministiri damén okonnor kala we bashqa charwilarni éksport qilish toghrisida hazirqi mewjut kélishimler tüpeylidin bu cheklimining toluq ijra qilinishigha ikki yil waqit kétidighanliqini bildürdi.
okonnor döletning inawitining her qandaq iqtisadiy menpeettin üstün turidighanliqini teklitlep, yéngi zélandiye déngiz qirghaqliridin ötkendin kéyin bu haywanlarning bixeterlikige kapaletlik qilishqa hazirche amal yoqliqini uqturdi.
ministir okonnor yéngi zélandiyening eng chong soda shériki we asasliq tirik kala sétiwalghuchisi bolghan xitaygha bu cheklime heqqide uqturush qilinghanliqini, biraq xitaydin téxiche jawab alalmighanliqini eskertti.
cheklesh qararining xitay hökümiti bilen munasiwiti yoqliqini tekitligen okonnor, buning haywanlarning bixeterlikige munasiwetlik ikenlikini éytti.
2020-yili 5800 kalini élip xitaygha mangghan paraxot yaponiyege yéqin jayda chöküp ketken we 40 tin artuq paraxot xadimi qaza qilghandin kéyin, yéngi zélandiye hökümiti bu xil éksportni sodisini tonglatqan idi.
