һәсән руһани йадро келишиминиң җанлинишида йеңи бир дәвргә шаһит болуватқанлиқини ейтти
иран пирезиденти һәсән руһани австирийәниң пайтәхти вийеннада, фирансийә, әнглийә, хитай, русийә, германийә (4 + 1 дөләтләр) билән иранниң йуқири дәриҗилик дипломатлири өткүзгән йиғин үстидә тохталди.
түркийә авази радийоси хәвири: руһани түнүгүн (2021-йили 6-апрел) пайтәхт теһрандики министирлар кеңиши йиғинидин кейин сөз қилип, австирийәниң пайтәхти вийеннада, фирансийә, әнглийә, хитай, русийә, германийә (4 + 1 дөләтләр) билән иранниң йуқири дәриҗилик дипломатлири өткүзгән йиғин үстидә тохталди.
руһани: «йеқинқи күнләрдә йадро келишиминиң җанлинишида йеңи бир дәвргә шаһит болмақтимиз. йадро келишимигә алақидар дөләтләр вйенаға йиғилди. йиғинға иран вә 4 + 1 дөләтлири шундақла америка қатнашти. йиғин мәйли қандақ шәкилдә өткүзүлгән болушидин қәтийнәзәр монопуллуқ шәкилләнди. йадро келишимидин бирәр йахши һәл қилиш чариси чиқмайду» деди.
һәр қайси тәрәп дөләтләрниң йадро келишимини толуқ иҗра қилиш керәклики йәкүнигә кәлгәнликини байан қилған руһани йәнә мундақ деди:
«америка өзиниң әң еғир бесим сийаситиниң мәғлуб болғанлиқини вә сөһбәттин башқа йолниң йоқлуқини ениқ оттуриға қойди. америка <әгәр тәййар болсаңлар, биз биваситә сөһбәткә тәййармиз, тәййар болмисаңлар, биз 4 + 1 дөләтлири билән музакирилишәләймиз> деди. бу иранниң ғәлбисидур вә кичик көрүшкә болмайду.»
руһани америка йадро келишимигә қайтип кәлгәндә, иранниңму барлиқ вәдилиригә садиқ қалидиғанлиқини қайта-қайта тәкитләп, иранниң «IR8 , IR9» мәркәзлиригә игә икәнликини, фордо йадро муәссәсәлириниң паалийәтлирини давамлаштуруватқанлиқини вә халиған һаман «IR6» вә арак (һондаб) еғир су реакторлирини һәрикәткә кәлтүрәләйдиғанлиқини билдүрди.
