файзер билән бийонтек ваксина нишанини йеңилиди
америка дора ширкити файзер (Pfizer) билән германийә бийонтек (BioNTech) ширкитиниң ортақ ширкити «бийонтек-файзер» йил ахириғичә болған вухән вируси (Kovid-19) ваксинаси ишләпчиқириш нишанини 2.5 милйард данигә чиқарди.
1611428
түркийә авази радийоси хәвири: бийонтек ваксина ишләпчиқриш пилани тоғрисида байанат елан қилди.
байанатқа асасланғанда, ортақ ширкәт файзерниң ишләпчиқириш иқтидарини ашуруши билән, 2021-йилиниң ахириғичә 2.5 милйард данә вухән вируси ваксинаси ишләпчиқириш пилан қилинмақта икән.
файзер ширкити илгири мушу йил (2021) ичидә 2.3 милйардтин 2.4 милйардқичә ваксина ишләпчиқриш нишанини оттуриға қойған иди.
бийонтек байанатида, үчинчи тәрәп ишләпчиқарғучилар билән тәминлигүчиләрниң ваксина ториниң кеңийишидики ролиниму алаһидә тәкитлиди. байанатта бу һәқтә мундақ дейилди:
«ишләпчиқириш иқтидарини вә торини техиму кеңәйтиш үчүн йошурун күчи бар шерикләр билән қошумчә тәдбирләр тоғрисида учришишлар давамлишиватиду.»
