қаһирәдә 10 қәвәтлик бина өрүлүп чүшти
мисирниң пайтәхти қаһирәдә 10 қәвәтлик бинаниң өрүлүп чүшиши нәтиҗисидә, қаза қилғанларниң сани түнүгүн 18 гә йәтти.
1609902
түркийә авази радийоси хәвири: йәрлик таратқулардики хәвәрләргә асасланғанда, қаһирәниң шәрқидики сувәйиш көврүки районида, 10 қәвәтлик бир бина намәлум сәвәб билән өрүлүп чүшкән.
вәқәдә 18 киши һайатидин айрилип, 23 киши йариланған.
бина өрүлүп чүшкән пәйттә ичидә зади қанчә адәм барлиқи һәққидә техичә ениқ мәлумат берилмиди.
бина харабиси астида қалғанларни қутқузуш хизмәтлириниң башланғанлиқи билдүрүлди.
қаһирә валийси генерал майор халид абдул ал өрүлүп чүшкән бинаға йеқин биналарниң тәкшүрүлиши, андин бина харибисини тазилаш хизмитини башлиши үчүн мәхсус гуруппа қурулғанлиқини елан қилди.
