iraq armiyesi térorluq teshkilati daéshning 27 ezasini ujuqturdi
iraq armiyesi mosulning taghliq rayonliridiki térorluq teshkilati daéshqa qarshi élip bérilghan herikette 27 térrorchining öltürülgenlikini élan qildi.
![iraq armiyesi térorluq teshkilati daéshning 27 ezasini ujuqturdi](http://cdn.trt.net.tr/images/xlarge/rectangle/ae97/45eb/dd54/605b2e95ef66f.jpg?time=1715628840)
türkiye awazi radiyosi xewiri: iraq qoralliq qismliri bayanatchisi birigada komandiri général yehya resul élan qilghan yazma bayanatida, armiyege tewe térorluqqa qarshi turush qisimlirining iraqning shimalidiki mosulning mahmur téghi rayonida 14 künlük heriket élip barghanliqini bildürdi.
yehya resul heriket jeryanida, 27 térrorchining öltürülgenliki éniqlanghanliqini, shuning bilen birge yene taghliq rayondiki hawa hujumi netijiside gümürülüp chüshken öngkürlerning astida qalghan térorchilarning jesiti téxi tépilmighanliqini, shunga u yerde öltürülgen térrorchilar sanining téxi éniqlanmighanliqini tekitlidi.
yehya resul daéshqa qarshi xelqara ittipaqdash qisimlar bilen iraq armiyesige tewe tik uchar we urush ayropilanlirining iraq térorluqqa qarshi turush etritining herikitige hawadin yardem qilghanliqini bildürdi.
térorluq teshkilati daésh 2014-yili 6-ayda iraqning mosul, salahaddin we enbar ölkilirining hemmisini shundaqla diyala we kerkükning bir qisim jaylirini ishghal qiliwalghan bolup, bu rayonlar bir nechche yildin kéyin daéshtin tazilanghan idi.
iraqning sabiq bash ministiri heyder el ibadi 2017-yili 12-ayning 9-küni daéshqa qarshi ghelbisini élan qildi.
gerche iraqning daéshtin tazilanghanliqigha 3 yildin ashqan bolsimu, daésh iraqning yéza - qishlaqlirida hazirmu hujumlirini dawamlashturmaqta.