tramp amérikaliqlargha waksina emletküzüshni tewsiye qildi

türkiye awazi radiyosi xewiri: hoquq tutuwatqan mezgilide kowid – 19 yuqumini tizginlesh tedbirlirini yéterlik derijide yolgha qoymighanliq bilen eyiblengen donald tramp, foks xewerler qanili bilen ötküzgen söhbiti jeryanida yuqum we waksina xizmetliri toghrisida toxtilip: «waksina emletküzüshni tewsiye qilimen, semimiylik bilen éytishqa toghra kelse, köpinchisi manga bélet tashlighan, emma waksina emletküzüshni xalimaywatqan nurghun kishilerge waksina emletküzüshni tewsiye qilimen» dédi.

buning bilen birlikte kishilerning waksina emlitish yaki emletmeslik erkinliki barliqini eskertken tramp, kowid – 19 waksinilirining ishenchlik ikenlikini we paydiliq ikenlikini bildürdi.

yene bir tereptin, 2020 – yili 3 – noyabirda ötküzülgen pirézidéntliq saylimigha démokratchilarning hiyle arilashturghanliqini we mehkimilerning buninggha qarita héchbir ish qilmighanliqini ilgiri sürgen tramp, saylam netijisige munasiwetlik dewalirini yene bir qétim otturigha qoydi.

tramp yene, latin amérikasi döletliridin amérikagha kélidighan köp sandiki köchmenlerning «döletni xaniweyran qiliwétidighanliqi» qarishini ilgiri sürdi we köchüshlerning aldining élishini lazimliqini sözlirige ilawe qildi.