ghezzede israiliyening qetliamlirida ölgenlerning sani 35 ming 173 ke yetti

türkiye awazi radiyosi xewiri:ghezzediki pelestin sehiye ministirliqi teripidin élan qilghan bayanatta, israiliyening uda 221 kündin buyan ghezze rayonida dawamlashturuwatqan hujumliri heqqide melumat bérildi.

bayanatta, israiliye armiyesining yéqinqi 24 saet ichide ghezzening oxshimighan rayonlirida 8 qétim qetliam yürgüzgenliki, bu qetliamlar dawamida yene 82 pelestinlikning hayatidin ayrilghanliqi we 234 pelestinlikning yarilanghanliqi bayan qilindi.

israiliyening 7-öktebirdin bashlap ghezze rayonida dawamlashturuwatqan hujumliri dawamida qetl qilinghan pelestinlikler sanining 35 ming 173 ke, yarilanghanlar sanining 79 ming 61 ge yetkenliki eskertildi.

bayanatta yene, xarabiliklerning astida we yol boyliridimu ölüklerning barliqi, emma israiliye eskerlirining tosalghu bolushi sewebidin dawalash etretliri bilen xelq mudapie xadimlirining jesetlerni alalmaywatqanliqi tekitlendi.