fon dér léyén: putin bombardimanni toxtatsa, söhbetler bashlinidu
yawropa komissiyoni reisi ursula fon dér léyén, rusiye pirézidénti wiladimir putin ukrainani bombardiman qilishni toxtatqan künning ertisila tinchliq söhbetlirini bashlashqa bolidighanliqini éytti.
2139306
türkiye awazi radiyosi xewiri: yawropa parlaméntining saylam seperwerlik xizmetliri dairiside italiyening paytexti rimda ziyarette boluwatqan fon dér léyén, italiye muawin bash ministiri, qoshumche tashqi ishlar ministiri antoniyo tajani bilen körüshti.
italiye metbuatliridiki xewerlerge qarighanda, fon dér léyén uchrishishta, 2022-yili 2-aydin buyan dawam qiliwatqan rusiye-ukraina urushi toghrisida toxtilip: «eger putin bombardiman qilishni toxtatsa, ertisidin bashlapla tinchliq söhbetlirini bashlashqa bolidu. emma tinchliq musapisini ukrainaliqlar bashqurushi kérek. bundaq qilish ularning hoquqi» dégen.
yawropa ittipaqi komissiyoni reisi fon dér léyn, özlirining ikkinchi dunya urushidin kéyin (1939-1945) tinchliq tüzümi ornatqanliqlirini, rusiyening bolsa, uninggha jeng élan qilghanliqini otturigha qoyghan.
shuning bilen bir waqitta, fon dér léyén yashlar bilen uchrishish orunlashturghan jaygha yétip chaghda, 10 kishilik bir guruppaning «nomus qilinglar», «erkin pelestin» dep shoar towlap, naraziliq bildürüshige uchrighan.
مۇناسىۋەتلىك خەۋەرلەر
seudi erebistan 6 iran muxbirini chégradin qoghlap chiqardi
sseudi erebistan iran dölet téléwiziyesining 6 muxbirini chégradin qoghlap chiqardi.
