трамп америкалиқларға ваксина әмләткүзүшни тәвсийә қилди

түркийә авази радийоси хәвири: һоқуқ тутуватқан мәзгилидә ковид – 19 йуқумини тизгинләш тәдбирлирини йетәрлик дәриҗидә йолға қоймиғанлиқ билән әйибләнгән доналд трамп, фокс хәвәрләр қанили билән өткүзгән сөһбити җәрйанида йуқум вә ваксина хизмәтлири тоғрисида тохтилип: «ваксина әмләткүзүшни тәвсийә қилимән, сәмимийлик билән ейтишқа тоғра кәлсә, көпинчиси маңа беләт ташлиған, әмма ваксина әмләткүзүшни халимайватқан нурғун кишиләргә ваксина әмләткүзүшни тәвсийә қилимән» деди.

буниң билән бирликтә кишиләрниң ваксина әмлитиш йаки әмләтмәслик әркинлики барлиқини әскәрткән трамп, ковид – 19 ваксинилириниң ишәнчлик икәнликини вә пайдилиқ икәнликини билдүрди.

йәнә бир тәрәптин, 2020 – йили 3 – нойабирда өткүзүлгән пирезидентлиқ сайлимиға демократчиларниң һийлә арилаштурғанлиқини вә мәһкимиләрниң буниңға қарита һечбир иш қилмиғанлиқини илгири сүргән трамп, сайлам нәтиҗисигә мунасивәтлик дәвалирини йәнә бир қетим оттуриға қойди.

трамп йәнә, латин америкаси дөләтлиридин америкаға келидиған көп сандики көчмәнләрниң «дөләтни ханивәйран қиливетидиғанлиқи» қаришини илгири сүрди вә көчүшләрниң алдиниң елишини лазимлиқини сөзлиригә илавә қилди.