америкада сақчиларниң зораванлиқиға учриған бир киши қаза қилди

түркийә авази радийоси хәвири: 12- айниң 23- күни калифорнийәниң антиоч шәһиридә йүз бәргән бу вәқәниң, аилә маҗирасиға мудахилә қилиш үчүн кәлгән сақчиларниң  30 йашлиқ анҗело кувинтони «немә иш болғанлиқини сүрүштә қилмастинла» бәш минут бойичә йәргә йатқузуп бойниға бесип турғанлиқи илгири сүрүлди.

CNN ниң хәвиригә қариғанда, аилә адвокатлири әндишә, чүшкүнлүк вә елишип қелиш кесилигә гириптар болған квинтониң өлүмигә антиоч сақчилириниң җавабкар икәнликини оттуриға қойған.

адвокат җон л.буррисниң ейтишичә, квинтониң  сиңлиси анисиға зийан йәткүзүшидин әнсирәп сақчиларға телефон қилған, бу җәрйанда аниси уни пәскуйға чүшүргән. бирақ өйгә кәлгән сақчиларниң немә ишларниң йүз бәргәнликини сүрүштә қилип олтурмастинла, квинтони анисиниң қолидин зорлуқ билән тартип елип йәргә йатқузуп, тизи билән бәш минут әтрапида бесип турған. һошидин кәткән квинто шу җайдики бир дохтурханида балинистқа елинип үч күндин кейин қаза қилған.

квинтониң сиңлисиниң йан телефонидики син көрүнүшидә, квинтониң һәрикәтсиз һаләттә йәрдә йетиватқанлиқи, носулкиға елиш җәрйанида чирайиниң қан ичидә қалғанлиқи вә қутқузуш хадимлириниң униң йүрикини һәрикәтләндүрүш үчүн тиришиватқанлиқи көрүлиду.

аилә адвокатлири «икки айға йеқин вақиттин буйан сақчиларниң бу мәсилә тоғрисида ахбарат елан қилмиғанлиқи»ни билдүргән болса, контра коста наһийәлик җ х идариси мудири, квинтониң өлүш сәвәбиниң техи ениқ әмәсликини, бу ишниң районлуқ районлуқ тәптиш мәһкимиси тәрипидин тәкшүрүливатқанлиқини ейтти.