путин: өктичи алексей навалнийни ғәрп русийәгә қарши ишлитиватиду
русийә пирезиденти виладимир путин бәзи күчләрниң русийәдә өктичи алексей навалнийни қоллиниватқанлиқини, болупму русийәдә пассип иқтисадий шараит пәйда болған бир вәзийәттә, уни мәхсус ишлитиватқанлиқини илгири сүрди.
түркийә авази радийоси хәвири: путин русийә дөләт қанили «Rossiya 24» ниң русийә ахбарат органлири баш муһәррири билән өткүзүлгән учришишлириға алақидар елан қилинған программидики сөзидә, русийәдики намайишлар үстидә тохталди.
путин навалнийға қарита исмини тилға алмастин «ролчи» дәп баһа бәрди вә бәзи күчләрниң иҗтимаий-иқтисадий вәзийәт йахши болмиған бүгүнки күндә навалнийни қоллиниватқанлиқини тилға елип, «дунйаниң һәр қайси җайлиридикигә охшаш русийәдә кирим сәвийәсиниму өз ичигә алған һалда кишиләрдә һарғинлиқ, наразилиқ вә аччиқлиниш бериккән һазирқи шараитта, улар бу ролчини ишлитиватиду» деди.
путин бу сәлбий шараитни йавропа, америка вә башқа дөләтләрдики қарши күчләрниң суйиистемал қиливатқанлиқини тәкитлиди.
путин русийә тәтқиқ қилип йасап чиққан ковид-19 ваксиниси вә йеңи қоралларниң ғәрбни ғәзәпләндүргәнликини чүшәндүрүп, ғәрбниң росийәгә қарши қоршав сийасити йүргүзүватқанлиқини билдүрди.
путин суңлашқа йошурун дүшмәнләрниң өз мәнпәәтлири үчүн русийәдики һакимийәткә келиш һәвиси барларни русийәгә қарши ишлитиватқанлиқини ейтти.
