мисирда 4 йилдин бери тутуп туриливатқан әлҗәзирә қанили мухбири қойуп берилди
мисирда тәхминән 4 йилдин бери түрмидә тутуп туриливатқан әлҗәзирә қанили мухбири, мисирлиқ журналист мәһмуд һүсәйин қойуп берилди.
түркийә авази радийоси хәвири: мәркизий қатарда турушлуқ әлҗәзирә телевизийә қанилиниң байанатида, журналист һүсәйинниң қойуп берилгәнлики билдүрүлди.
мисир даирилири тәрипидин йаки һүсәйинниң аилисидикиләрдин бу һәқтә һазирғичә һечқандақ байанат елан қилинмиди.
мисир таратқулириниң 5-февралда елан қилған хәвәрлиридә, қаһирә җинайи ишлар сот мәһкимисиниң рәсмий қамақ җазаси бәрмәстин 2016-йилиниң ахиридин башлап түрмидә тутуп туриватқан мисирлиқ журналист һүсәйинни қойуп бериш қарари алғанлиқи билдүрүлди.
бихәтәрлик қисимлири мисирлиқ журналист һүсәйинни 2016-йили 12-айда қаһирәдин қатарға аилисидикиләрни йоқлаш үчүн маңғанда айродуромда назарәткә алған иди.
тәптиш мәһкимиси һүсәйинни «чәкләнгән тәшкилатқа әза болуш, йалған хәвәр тарқитиш вә мисирни муқимсизлаштуруш » билән әйиблигән иди.
мисир билән қатар оттурисидики дипломатик мунасивәтләрни қайтидин әслигә кәлтүрүш үчүн ташланған қәдәмләр 5-йанварда сәуди әрәбистанниң әл-ула шәһиридә өткүзүлгән 41 – нөвәтлик парис қолтуқи һәмкарлиқ кеңиши башлиқлар йиғинида һасил қилинған пикир бирликини асас қилиду.
مۇناسىۋەتلىك خەۋەرلەر
йеңи зеландийә ғәззәгә қошумчә иқтисадий йардәм бериду
йеңи зеландийә ғәззәгә 5 милйон доллар қошумчә иқтисадий йардәм бериду.