әрәб бирләшмә хәлипилики тунҗи әрәб дөлити болди

түркийә авази радийоси хәвири: исраилийә ташқи ишлар министирлиқи тәрипидин елан қилинған йазма байанатта әскәртилишичә, әрәб бирләшмә хәлипилики ташқи ишлар министирлиқи визисиз сайаһәткә мунасивәтлик келишимниң тәстиқланған нусхисини исраилийәгә сунған болуп, келишим 30 күн ичидә күчкә игә болушқа башлайдикән, шуниң билән, һәм исраилийә пуқралири әрәб бирләшмә хәлипиликигә, һәмдә әрәб бирләшмә хәлипилики пуқралири исраилийәгә визисиз кирәләйдикән.

байанатта тәкитлинишичә, келишимниң тәстиқлиниши билән бирликтә, әрәб бирләшмә хәлипилики пуқралири исраилийәгә визисиз кирәләйдиған тунҗи әрәб дөлити болған.

исраилийә, 15 – сентәбир күни америка ақсарайда әрәб бирләшмә хәлипилики вә бәһрәйн билән мунасивәтләрни нормаллаштуруш келишимини имзалиғаниди.

исраилийә билән әрәб бирләшмә хәлипилики 20 – өктәбир күни өзара визисиз сайаһәткә мунасивәтлик келишимни имзалиғандин кейин, исраилийә һөкүмити, 22 – нойабир күни келишимни мақуллиған вә әрәб бирләшмә хәлипилики пуқралириниң дөләткә визисиз кириш қарарнамисини тәстиқлиғаниди.