amérika kongreside qesem bérish murasimi ötküzüldi
amérikada 3-noyabir (2020) saylimida kongrening kéngesh palatasi we awam palatasi ezaliqigha saylanghanlarning qesem bérishi bilen, amérika kongresining 117-nöwetlik mezgili resmiy bashlanghan boldi.
türkiye awazi radiyosi xewiri: amérika muawin pirézidénti mayk pénis kéngesh palatasidiki qesem bérish murasimigha riyasetchilik qildi. murasimda, yéngidin saylanghan 32 eza qesem bérip wezipe tapshuruwaldi.
3-noyabirdiki saylamda kimning saylanghanliqi éniq bolmighan we 5-yanwar 2- aylanmisi ötküzülidighan jorjiya saylimi asasiy küntertipte turmaqta. shundaqtimu kéngesh palatasida 50 ezasi bolghan jumhuriyetchilerning ghelibe qazinish éhtimalining yuqiriliqi qeyt qilinmaqta.
her ikki yilda bir qétim ötküzülidighan saylamlarda pütünley yéngilinidighan we 435 orungha ige awam palatasidimu qesem bérip wezipe tapshuruwélish murasimi ötküzüldi.
nensiy pélusi xanim bilen jumhuriyetchi wekil kéwin mékkarsi (Kevin McCarthy) awam palatasining bashliqliq wezipisi üchün riqabetleshti. nensiy pélusi xanim 216 wekilning awazigha ériship, ikki yilliq palataning bashliqliqigha qayta saylandi. kéwin mékkarsi 209 awazgha érishti.
3-noyabirdiki saylamda démokratlar awam palatasida 222 orungha, jumhuriyetchiler 211 orungha ige bolghan idi.
