تەلئەبيادتا پارتلاش يۈز بەردى

تۈركىيە ئاۋازى رادىيوسى خەۋىرى: خەۋپسىزلىك مەنبەلىرىدىن ئىگىلىنىشىچە، تېررورچىلار تۈركىيە ئارمىيەسىنىڭ ھەربىي ھەرىكەتلىرى سايىسىدا يارىتىلغان سۈرىيەنىڭ شىمالىدىكى تىنچلىق، خاتىرجەملىك ۋە مۇقىملىق مۇھىتىنى بۇزۇشقا ئۇرۇنۇشىنى داۋاملاشتۇرۇۋاتقان بولۇپ، بۇ قېتىم تىنچلىق بۇلىقى رايونىدا يەرلىك ئۇسۇلدا ياسالغان پارتلاتقۇچ ئىشلىتىپ تېررورلۇق ھۇجۇمى سادىر قىلغان.

ھەرىكەت رايونى چېگراسىغا 730 مېتىر جەنۇبىدا سادىر قىلىنغان ھۇجۇم كەنت ئاھالىسىنى زەربە ئوبيېكتى قىلدى.

ھۇجۇمدا ئىككى بالا قازا قىلدى؛ 14 ياشلىق بىر بالىنى ئۆز ئىچىگە ئالغان يارىلانغانلارنى رايوندىكى تۈركىيە ئەسكەرلىرى داۋالىدى.