һиндистанда пәйда болған сирлиқ кесәл тәкшүрүлмәктә
һиндистанда бир кишиниң җениға замин болған вә нәччә йүзлигән кишиниң балнистқа елинишға сәвәп болған сирлиқ кесәллик тәкшүрүлмәктә.
түркийә авази радийоси хәвири: «BBC» ниң хәвиригә асасланғанда, һиндистанниң андра прадештики елуру шәһиригә сирлиқ кесәлликниң сәвәбини тәкшүрүш үчүн бир давалаш әтрити әвәтилгән.
«пүтүн һиндистан теббий пәнләр институти» елип барған дәсләпки тәкшүрүштә, бимарларниң көпинчисиниң қан әвришкисидә никел, қоғушун вә еғир металларниң миқдари йуқири чиққан.
сәһийә тармақлири, «тәҗрибихана анализлири арқилиқла буниңға охшаш бәзи сирлиқ кесәлликләрниң зади немә икәнлики оттуриға чиқиду» дәпбайант елан қилған.
өлкилик сәһийә министири алла кани кришна сиринивас барлиқ бимарларниң ковид-19 тәкшүрүшлириниң пассип чиққанлиқини вә қан әвришкилиридә ковид-19 билән йуқумланғанлиқиға даир һечқандақ аламәт көрүлмигәнликини билдүрди.
һиндистанда сирлиқ кесәл сәвәбидин бир киши қаза қилип, 300 дин артуқ киши балнистқа елинған иди.
шәнбә күни елуру шәһиридә бир бимар туйуқсиз һошидин кетиш вә титрәш қатарлиқ кесәллик аламәтлири билән қаза қилғандин кейин, нурғун кишиләр охшаш шикайәт билән дохтурханида балнистқа елинған иди.
райондики йәрлик сәһийә хадимлири бу кесәлликниң нерва системисиға тәсир қилидиғанлиқини, әмма конкрет сәвәби техичә ениқланмиғанлиқини ейтқан иди.
مۇناسىۋەتلىك خەۋەرلەر
сәуди әрәбистан 6 иран мухбирини чеградин қоғлап чиқарди
ссәуди әрәбистан иран дөләт телевизийәсиниң 6 мухбирини чеградин қоғлап чиқарди.
