п к к ниң синҗардин чиқип кәтмигәнлики билдүрүлди

түркийә авази радийоси хәвири: бөлгүнчи террорлуқ тәшкилати п к к ниң ирақниң мусул шәһиригә қарашлиқ синҗар наһийәси мәркизини бошатқанлиқи илгири сүрүлгән болсиму, террорчиларниң райондин чиқип кәтмигәнлики, бәлки синҗар теғидики мәвҗутлуқини давамлаштуруватқанлиқи билдүрүлди.

бағдад мәркизий һөкүмити билән ирақ корд районлуқ һөкүмити, п к к ниң синҗардики мәвҗудийитигә хатимә беришни мәзмун бир келишимни бирләшкән дөләтләр тәшкилати (б д т) ниң назарәтчилики астида 9 – өктәбирдә имзалиғаниди.

келишимниң имзалинишидин кейин ирақ мәркизий һөкүмити, 20 – нойабирда синҗарға бирләшмә сақчи қисимлириға қарашлиқ икки биригадани йоллиғаниди.

келишимниң иҗра қилинишқа башлиғанлиқини уқтурған мәркизий һөкүмәт мушу һәптә ичидә байанат берип, ирақ күчлириниң синҗарға орунлашқанлиқини, барлиқ қораллиқ тәшкилатлар (п к к) ниң райондин чиқип кәткәнликини билдүргәниди.

ирақ корд районлуқ һөкүмәт болса, синҗар келишимигә әмәл қилидиғанлиқлирини, синҗардики п к к унсурлирини қоғлап чиқиришниң бағдадниң вәзиписи икәнликини уқтурди.

бу өзгиришләрдин кейин мунасивәтлик тәрәпләрниң нәзири, байанатлар билән әмәлий әһвалниң өзара мас йаки әмәсликигә ағдурулди.

бағдадики бәзи мәнбәләр, п к к ниң синҗар наһийә мәркизи вә синҗар теғидики мәвҗутлуқини давамлаштуруватқанлиқини билдүрди.

«п к к орун алмаштуруш тактикисини ишләтмәктә» дегән ирақ түркмән фиронти башлиқи әршат салиһи, синҗардин чиқириветилидиған террорчиларниң йәнә ирақ чеграси ичидики маһмур, қандил, кәркүк әтрапиға йаки тәлафәргә йеқин җайларға орунлаштуруштәк бир пилан иҗра қилинип қалса, хәвпниң техиму еғирлишидиғанлиқини әскәртти.