türkiye we finlandiyening  b d t diki hemkarliqi girétsiyeni biaram qildi

türkiye awazi radiyosi xewiri: girétsiyening xélsinkida turushluq bash elchisi géorgiyos ayfantis finlandiyening «HBL» gézitige bergen bayanatida, finlandiyening b d t da tükiye bilen ornatqan hemkarliqining dawamlishishining girétsiye tashqi ishlar ministirliqi teripidin alahide diqqetke élinghanliqini bildürüp, «finlandiye tashqi ishlar ministirliqidin bir izahat telep qilimiz. finlandiyening türkiyege tutqan bu pozitsiyesi bizni chong ümidsizlikke duchar qildi» dédi.

géorgiyos ayfantis finlandiyening b d t da türkiye bilen ornatqan hemkarliqini néme üchün saqlap kéliwatqanliqini chüshenmigenlikini tekitlep, «finlandiye diplomatlirining türkiye bilen birleshken döletler teshkilatida qurghan hemkarliqini jamaetchilik aldida mudapie qillishini chüshinelmiduq. afina dairiliri finlandiye diplomatlirining türkiyege qaratqan illiq bayanatlirini körüp heyran qaldi» dédi.

aldinqi ayda grétsiye, türkiye we finlandiye teripidin 11 yil ilgiri qurulghan we 59 dölettin terkib tapqan «tinchliq üchün muresse qilghuchi dostlar guruppisi» din türkiyening chiqiriwétilishni telep qilghan idi.

finlandiyening b d t da turushluq bash elchisi tému turunén bolsa, türkiye bilen bolghan diyalogni saqlap qélishning muhimliqini tekitligen idi.