җәвад зәриф иран мутәхәссиси муһсин фаһризадә суйиқәсти үстидә тохталди
иран ташқи ишлар министири муһәммәд җәвад зәриф дөлитиниң урушхумар вә радикал зионистларниң қилтиқиға чүшмәйдиғанлиқини ейтти.
түркийә авази радийоси хәвири: муһәммәд җәвад зәриф инстаграм һесабда графикләр билән елан қилған учурида, иран мутәхәссиси муһсин фаһризадәниң қәстләп өлтүрүлгәнлики үстидә тохталди.
җәвад зәриф иранға нисбәтән мәғлуп болған йуқири бесимлиқ сийасәтниң рәһбәрлири вә қоллиғучилириниң америка пирезиденти доналд трамп һөкүмитиниң ахирқи күнлиридә, җиддийиликни күчәйтишкә урунуватқанлиқини тәкитлиди вә бу арқилиқ ембарголарниң бикар қилиниши үчүн йаритилған уйғун муһитни йоқитишни мәқсәт қилидиғанлиқини ейтти.
җәвад зәриф америка ташқи ишлар министири майк помпейониң районға қилған зийарәтлири шундақла сәуди әрәбистан тәхт вариси шаһзадә муһәммәд бин сәлман вә исраилийә баш министири бинйамин нетанйаһу билән өткүзгән музакирилириниң әслидә фаһризадәниң қәстләп өлтүрүлиши билән ашкариланған бир суйиқәстлик пилан даирисидә елип берилғанлиқини илгири сүрди.
фаһризадә суйиқәсти билән тәң бирла вақитта елип берилған психологийилик уруш вә истихбарат сәпәрвәрликиниңму нетанйаһу, помпейо вә бин салманниң вәзийәтни җиддийләштүрүш нишаниға хизмәт қилдурулғанлиқинй билдүргән җәвад зәриф: «иран хәлқи вә мәсуллири хәлқаралиқ терорчиларниң ахириқи типирлашлириниң шундақла йаман нами чиққан урушхумар вә радикал зионистларниң қилтиқиға чүшмәйду. иран трамп вә униң шериклириниң иқтисадий урушиға қарши күрәшлиридә қолға кәлтүргән нәтиҗилирини конкертләштүрүш үчүн бирлики вә пүтүнлүкини қоғдайду» деди.
