америка 15 - йанварғичә афғанистан вә ирақтики әскәр санини 2500 гә қисқартиду

түркийә авази радийоси хәвири:  кристофир миллер дөләт мудапиә министирлиқи (бәшбурҗәклик бина) да мухбирларға байанат елан қилип, «2021 - йили 15-йанварғичә афғанистандики әскәрлиримизниң сани 2500 болиду. ирақтики әскәрлиримизниң саниму охшаш шәкилдә 15-йанварғичә 2500 гә қисқартилиду» деди.

кристофир миллер америка пирезиденти доналд трампниң бу қарариниң дөләт бихәтәрликиниң алдинқи қатардики хизмәтлиригә мас келидиғанлиқини вә дөләт бихәтәрлик әтрити билән нәччә айдин бери давамшлашқан мәслиһәтләрни асас қилидиғанлиқини ейтти.

миллер бу һәқтә шималий атлантик әһди тәшкилати баш катипи җенс столтенберг вә афғанистан пирезиденти әшрәф ғәни қатарлиқ нурғун иттипақдаш дөләт рәһбәрлири  билән мәслиһәтләшкәнликини билдүрди.

2001 - йили 11 - сентәбирдики һуҗумдин кейин афғанистан вә ирақни ишғал қилиш билән башланған урушларни ахирлаштуридиғанлиқини тәкитлигән кристофир миллер: «пәрзәнтлиримизни бу муддәтсиз урушларниң еғир йүкидин қутулдуримиз» деди.

америка дөләт бихәтәрлик мәслиһәтчиси роберт обриен  болса, ақсарайдики байанатида, «ирақ вә афғанистанда қалған әскәрләр әлчиханилиримизни вә америка һөкүмитиниң башқа органлирини қоғдайду. бу әскәрләр дипломатлиримизни қоғдаш билән биргә дүшмәнни чекиндүриду. пирезидент трамп майда бу дөләтләрдики барлиқ әскәрләрниң бихәтәр өйигә қайтишини үмид қилиду» деди.