washingitondiki donald trampni qollash namayishida malimanchiliq yüz berdi
pirézidént donald trampning «saylamda héle ishlitilgen» dep qarighan qollighuchiliri tünügün paytextte namayish ötküzdi. namayishtin kéyin, kochilarda malimanchiliq yüz berdi.
türkiye awazi radiyosi xewiri: amérikada 3 – noyabirdaötküzülgen pirézidéntliq saylimi heqqidiki talash tartishlar dawamlashmaqta.
washingitonda trampning yüzminglighan qollighuchiliri saylamda béletlerning oghirlanghanliqini ilgiri sürüp, «milyon <MAGA> amérikini qaytidin yükselteyli marshi» namida tirampqa bolghan qollishini namayan qildi.
trampmu aptomobili bilen namayishchilar turghan erkinlik meydanini aylinip chiqti we qol pulanglitip qollighuchilirigha rehmet éytti.
namayishchilarning beziliri bu yerdiki nutuqlardin kéyin qurultay binasigha qarap yürüsh qildi.
yene bir guruppa amérika aliy sot mehkimisining aldigha yighilip, <MAGA> shepkisi we maykisini kiyishken, qollirida bayraqlarni kötürüshken halda, trampni qollap shoarlarni towlidi. adil we musteqil saylam ötküzüshke chaqirdi.
trampni qollaydighan bezi guruppilar bilen «qaratenliklerning hayati muhim (BLM)» we antifa qatarliq guruppilar aqsaraygha yéqin rayonlarda doqurushti.
guruppilar arisida aghzaki talash tartishlardin bashqa yene, bezi nuqtilarda kichik sürkilishlerningmu yüz bergenliki körüldi.
weqede afriqiliq bir kishining pichaqlanghanliqigha dair süretler ijtimaiy taratqularda tarqitildi.
saqchilar tézdin ariliship, guruppilarni ayridi. kem dégende 10 kishining nazaretke élinghanliqi bildürüldi.
