гутеррес дунйа әллирини мухбирларниң бихәтәрликини қоғдашқа чақирди

түркийә авази радийоси хәвири: бирләшкән дөләтләр тәшкилати баш катипи антонийо гутеррес, уруш районлири башта болуп дунйаниң һәрқайси җайлирида журналистларға қилиниватқан һуҗумлардин чоңқур әндишә қиливатқанлиқини билдүрүп, хәлқара инсанпәрвәрлик қануниға асасән медийа мәнсуплирини қоғдашқа чақирди.

гутеррес байанатчиси стефан дуҗарик арқилиқ байанат елан қилип, б д т маарип , пән вә мәдәнийәт тәшкилати – йунескониң 2018 – 2019 – йиллирида 67 мухбирниң өлтүрүлгәнликини дәлилләп чиққанлиқини әскәртти вә журналистларға қаритилған һуҗумларни әйиблиди, шундақла мәзкур җинайәтләрниң җазасиз қалмаслиқи керәкликини тәкитлиди.

у, мухбирларниң йәнә халиғанчә қолға елиниш , визилириниң рәт қилиниши вә һәрикәт чәклимисигә учраш дегәндәк мәсилиләргә дуч келиватқанлиқини оттуриға қойди.

баш катип йәнә ишәнчлик учурларға еришишкә капаләтлик қилиш үчүн , мухбирларниң хәлқара инсаний һоқуқ даирисидә қоғдилиши керәкликини сөзлиригә илавә қилди.