firansiyede musulman ikki ayal pichaqliq hujumgha uchridi

türkiye awazi radiyosi xewiri: melumatlargha qarighanda, parizhda ikki musulman ayal «meynet erebler» dep warqirighan ikki ayalning pichaqliq hujumigha uchrighan.

firansiye saqchiliri «iriqchiliq hujumi» bilen eyiblep, ikki ayalni qolgha alghan.

ismi ashkarilanmighan we parizh sheherlik teptish emeldari teripidin «yawropaliq aqsöngek ayallar» dep atalghan zorawanlar, jinayet sadir qilishqa urunush bilen eyiblengen.

alte qétim pichaqlanghan musulman ayaldin birining öpkisi yarilanghan, yene birining qoli opératsiye qilinghan.

shahitlarning bildürüshiche, zorawanlar héliqi ikki musulman ayalgha pichaqliq hujum qiliwétip, «meynet erebler» we «öz dölitinglargha qaytip kétinglar» dep warqirighan.