ebu gheyt gutérrés bilen körüshti

türkiye awazi radiyosi xewiri: ereb elliri ittipaqi bash katipi ehmed ebu gheyt ijtimaiy taratqu supisi «X» tiki adrésida bayanat élan qilip, beyreyn paytexti manamede ötküzülidighan 33-nöwetlik ereb elliri ittipaqi bashliqlar yighinidin ilgiri gutérrés bilen körüshkenlikini bildürdi.

uchurida, yéqin sherqtiki pelestin musapirlirigha yardem bérish we ulargha mulazimet qilish orgini (UNRWA) bash komissari filip lazzarini bilen b d t bash katipining sudan alahide wekili ramtan lamamraningmu uchrishishqa qatnashqanliqigha isharet qilghan ehmed ebu gheyt: «yighinda israiliyening ghezzege qaratqan hujumliri we bu hujumlarning pelestin xelqige yetküzidighan ziyanlirini muzakire qilduq» dégenlerni qeyt qildi.

yéqin sherqtiki pelestin musapirlirigha yardem bérish we ulargha mulazimet qilish orgini üstige alghan rolning hemmeylenge ayan ikenliki we uning bu rolini téximu kücheytish yolliri toghrisida sözleshkenliklirini bildürgen ehmed ebu gheyt, yighinda yene, kelgüside pelestin mesilisige munasiwetlik ikki döletlik hel qilish charisini konkrétlashturush toghrisidimu pikir almashturghanliqlirini tekitlidi.

u we b d t bash katipi gutérrésning sudan weziyitining xeterlik ikenliki mesiliside hempikir ikenlikini eskertip, sudanda dawamlishiwatqan toqunushlarning aldini élip, dölet qurulmisini qoghdashning zörürlükini qeyt qildi.

ereb elliri ittipaqi bash katipi ebu gheyt sudan xelqining bu qiyin musapini yéngishige yardem bérishning muhimliqini sözlirige ilawe qildi.