baydin xitaygha qarshi herbiy küch ishlitishni nezerdin saqit qilmighanliqlirini éytti

türkiye awazi radiyosi xewiri: pirézidént  jo baydin «dewr» (Time) zhurnilining ziyaritini qobul qilghanda, teywenning musteqilliqini qollashtin saqlinidighan amérika siyasitining dawam qiliwatqanliqini, buni xitay reisi shi jinpinggha «éniq» eskertkenliklirini bayan qildi.

u «eger xitay teywenning hazirqi halitini öz aldigha bir tereplimilik bilen özgertmekchi bolsa, amérika u aralni qoghdamdu-qoghdimamdu?» dégen soalgha: «bu ehwal sharaitlargha baghliq bolidu. shunga, iqtidarimizni kücheytishni dawamlashturuwatimiz. rayondiki ittipaqdashlirimiz bilen meslihetlishiwatimiz» dep jawab berdi.

u «tajawuzchiliq yüz bergende amérika eskerlirini teywenge orunlashturush éhtimalliqini yoqqa chiqarghan bolmamsiz?» dégen soalgha: «yaq, quruqluqta orunlishish, hawa armiyesi we déngiz armiyesi otturisida perq bar» dep jawab berdi.

u teywenni qoghdashta amérikaning yaponiye bilen filippindiki herbiy baziliridin hujum qilip-qilmaydighanliqi toghrisida bir nerse déyishtin özini qachurup mundaq dédi:

«men bu mesile toghrisida bir nerse déyelmeymen, eger bir nerse désem tenqid qilsingiz toghra bolghan bolidu» dédi.

xitay özining bir qismi dep qaraydighan teywen, xitay xelq jumhuriyiti qurulghan 1949-yildin buyan emeliyette musteqil dölet süpitide mewjut bolmaqta. ichki urushtin kéyin barliqqa kelgen xitay chong quruqluqi bilen teywenning ayrilip turushi dawamlashmaqta.

xitay «bir xitay» pirinsipini tekitlep, teywenning dunya döletliri bilen musteqil diplomatik munasiwet ornitishigha, b d t (birleshken döletler teshkilati) we bashqa xelqaraliq teshkilatlarda wekil turghuzushigha qarshi chiqip, özini étirap qilghan döletlerdin teywen bilen diplomatik munasiwetni üzüshni telep qilidu.