amérika sudandiki téz yardem bérish qismining qomandanlirigha émbargo yürgüzdi
amérika qoshma ishtatliri sudandiki zorawanliq heriketliride rol oynighanliqi seweblik téz yardem bérish qismining ikki qomandanini «émbargo yürgüzülidighanlar tizimliki» ge kirgüzdi.
türkiye awazi radiyosi xewiri: amérika qoshma ishtatliri tashqi ishlar ministirliqi teripidin bu heqte élan qilinghan yazma bayanatta körsitilishiche, sudanda yüz bériwatqan weqeler yéqindin közitiliwatqan bolup, zorawanliq heriketliride rol oynighanliqi seweblik munasiwetlik shexslerge qarita dawamliq émbargo yürgüzülmekte iken.
darfurda yüz bergen zorawanliq heriketliride rol oynighanliqi seweblik, téz yardem bérish qismining eli yaqub jibril we osman muhemmed isimlik ikki qomandani «émbargo yürgüzülidighanlar tizimliki» ge kirgüzülgen.
téz yardem bérish qismining qorshawi astidiki rayonlardiki yüz minglighan xelqning hayati xewp ichide ikenliki eskertilgen bayanatta, hem téz yardem bérish qismidin hemde sudan qoralliq küchliridin hujumlirini derhal toxtitishi telep qilinghan.
