әнгилийә вә галлерда нәпрәт җинайәтлириниң нисбити ашмақта
әнгилийә вә галлерда садир қилинған нәпрәт җинайәтлириниң сани алдинқи йилға селиштурғанда %8 ешип, 105 миң 90 ға йәтти.
түркийә авази радийоси хәвири: әнгилийә ички ишлар министирлиқиниң санлиқ мәлуматлириға асасланғанда, «ирқчилиққа мунасивәтлик» нәпрәт җинайитиниң сани алдинқи йилға селиштурғанда %6 ешип, 76 миң 70 кә йәткән вә омумий нәпрәт җинайитиниң %72 ни тәшкил қилған.
бу хил җинайәтниң болупму ийун вә ийул айлирида көпийиши, америкида 25 – майда әсли африқилиқ америка пуқраси җорҗ флойид сақчилар тәрипидин өлтүрүлгәндин кейин, әнгилийәдә вә галлерда оңчил гуруппиларниң «қара тәнликләрниң һайати қиммәтлик» намайиши башланғанлиқи сәвәбидин болуши мумкинлики оттуриға қойулған.
«дин» мәнбәлик нәпрәт җинайитиниң сани болса, 5 пирсәнт төвәнләп, әслидики 7203 тин 6822 гә азайған. шуниң билән 2012 - вә 2013 - йилдин буйан динға мунасивәтлик нәпрәт җинайәтлиридә тунҗи қетим азийиш көрүлгән.
бу җинайәтләрниң зийанкәшликигә учриғучилириниң тәхминән йерими (3089 дело) билән мусулманлар болған болса, 1205 дело билән йәһудийлар иккинчи орунда турған.
алдинқи йилға селиштурғанда %8 ашқан вә җәмий 105 миң 90 дәп хатириләнгән барлиқ нәпрәт җинайәтлириниң тәхминән йерими дегүдәк ирқчилиқ өчмәнликини улғайтиш вә тәһдит қатарлиқлардин шундақла үчтин биридин көпрәки кишиләргә қаритилған зораванлиқтин тәшкил тапқан.
әнгилийәдә, болупму 2016 - йилидики брексит (йавропа иттипақидин айрилиш) ни хәлқниң райиға қойуш вә террорлуқ һуҗумидин кейин, нәпрәт җинайәтлиридә көрүнәрлик дәриҗидә ешиш мәйданға келишкә башлиған иди.
