ғәззә вә қаһирә даирилири рәфа чегра еғизиниң мәңгүлүк ечилиши үчүн сөһбәтләшмәктә
ғәззәдики ички ишлар министирлиқи рәфа чегра еғизиниң мәңгүлүк ечилиши үчүн қаһирә һөкүмити билән сөһбәтни давамлаштуриватқанлиқини елан қилди.
ички ишлар министирлиқиниң байанатчиси ийад әлбузум һамасқа қарашлиқ әләқса телевизийисигә бәргән байанатида, рәфаһ чегра еғизиниң марттин башлап қисмән паалийәткә ечилғанлиқини, бу әһвалниң сайаһәт қилишни халайдиған пуқраларға аваричилиқ пәйда қиливатқанлиқини ейтти.
ийад әлбузум бихәтәрлик вә сағламлиқ тәдбирлиригә уйғун шәкилдә чегра еғизиниң мәңгүлүк ечиветилиши үчүн мисир тәрәп билән давамлиқ сөһбәтлишиватқанлиқини билдүрди.
байанатчи ийад әлбузум йәнә чеградин чиқиши зөрүр болған 4000 дин артуқ кишиниң барлиқини, йәнә нурғун кишиниң ғәззәгә қайтип келиш үчүн күтүп туриватқанлиқини сөзлиригә илавә қилди.
ғәззә билән мисир оттурисидики рәфаһ чегра еғизи мартта ковид- 19 йуқумиға қарши тәдбирләр даирисидә қош йөнилишлик өтүшкә тақиветилгән иди.
чәтәлләрдә қапсилип қалған пәләстинликләрниң марттин бери қайтип келиши үчүн бир қанчә қетим тақ йөнилишлик һалда ечилған чегра еғизи, 27 – сентәбирдә бир қетим қош йөнилишлик ечилған иди.
