мисирда йәнә 13 сийасий мәһбусқа өлүм җазаси иҗра қилинди
мисирда йәнә 13 сийасий мәһбусқа өлүм җазаси иҗра қилинди. лекин һөкүмәт тәрәп техичә бу һәқтә һечқандақ байанат елан қилмиди.
түркийә авази радийоси хәвири: мусулман қериндашлар тәшкилатиға йеқинлиқи билән тонулған вә чәтәлләрдә тарқитиш беридиған вәтән телевизийәсиниң фейсбук бетидә елан қилинған байанатта, мисирда йәнә 13 сийаси мәһбусқа өлүм җазаси иҗра қилинғанлиқи билдүрүлүп, уларниң исимлири ортақлишилди.
13 сийаси мәһбусниң өлүм җазаси иҗра қилинғанлиқи тоғрисидики хәвәрәләргә йәнә, мисир сиртида тарқитиш беридиған «мукәммилин» вә «шәрқ» қатарлиқ өктичи гуруппиларға тәвә телевизийә қаналлириму алаһидә орун аҗратти.
шәрқ қанили өлүм җазаси иҗра қилинған 13 киши һәққидә мәлумат берип, уларниң туғқанлириниң пайтәхт қаһирәдики зинхум дохтурханисиниң җәсәтханисиға берип җәсәтләрни елиши керәклики тәләп қилинди.
мисир рәсмий даирилири бу һәқтә һечқандақ байанат елан қилмиди.
мисирда 2013 - йили йүз бәргән һәрбий сийасий өзгириштин буйан һәр хил әйибләшләр билән өлүм җазасиға һөкүм қилинған онлиған киши дарға есилған иди.
