русийә 80 миң әскәр билән һәрбий маневир өткүзмәктә
русийәниң җәнубий вә шималий кавказ районлирида 80 миң әскәрниң иштирак қилишида «кавказ – 2020» һәрбий маневири башланди.
түркийә авази радийоси хәвири: русийә дөләт мудапиә министирлиқиниң билдүрүшичә, «кавказ – 2020 » һәрбий маневириға, 80 миң әтрапида рус әскиридин сирт йәнә, беларусийә, хитай, иран, пакистан, әрменийә вә бирмидин тәхминән миң әскәр қатнашмақта икән.
русийәниң җәнубий вә шималий кавказ районлириға җайлашқан капустин йар, асулуқ, анадақ вә продбой мәшиқ саһәлиридә, һәмдә қарадеңиз вә һазар деңизи сулирида өткүзүлүватқан һәрбий маневирдин, тәхминән 60 уруш айропилани, 30 уруш парахоти, 250 танка, 450 бироневик, 200 топ вә ракетамийот қойуп бериш системилири орун алмақта икән.
русийә қисимлириниң дөләтниң ғәрбий җәнубидики районларниң бихәтәрликини қоғдаш иқтидарини өлчәш мәқситидә өткүзүлүватқан һәрбий маневир, 26- сентәбиргичә давамлишидикән.
