amérikaning yéngi méksika ishtatida asmandin minglighan ölük qush yaghdi
qushlarning köchüsh esnasida yolda ölgenliki éniqlandi.
türkiye awazi radiyosi xewiri: yéngi méksika ishtatining oxshash bolmighan jayliridin kelgen doklatlargha qarita alaqidar mesullar heriketke ötti.
qushlar tekshürüldi. qushlarning néme üchün ölgenliki téxiche konkért shekilde éniqlanmidi. biraq biologlar kaliforniye we bashqa gherb ishtatlirida dawamlishiwatqan dala ot apitining qushlarning ölüshini keltürüp chiqarghan bolishi mumkinlikini bildürmekte.
ot apitining qushlarni muddettin burun köchüshke mejburlighanliqi, baldur köchüshke ularning bedini berdashliq bérelmey qalghan bolushi mumkinliki texmin qilinmaqta, yaki qushlar is - tütektin zeherlengen bolishi mumkinlikimu yene bir éhtimalliq dep qaralmaqta.
biologlar yéngi méksikada tuyuqsiz töwenlep ketken issiqliq témpératurasining qushlarning yémeklik menbesi bolghan hasharatlarni öltürgenliki sewebidin achliqtin ölgen bolush éhtimali barliqinimu otturigha qoymaqta.