rusiye: tik uchar téxnikisi we ishlepchiqirishta türkiye bilen hemkarlishishqa ochuqmiz
rusiye tik uchar téxnikisi we ishlepchiqirishta türkiye bilen hemkarlishishqa ochuq ikenlikini bildürdi.
türkiye awazi radiyosi xewiri: rusiye dölet mudapie sanaiti shirkiti «Rosteh» (rostéx) qa tewe rusiye tik uchar ayropilanliri sanaiti bash mudiri andréy boginskiy moskwada ötküzülgen «Armia-2020» paaliyitide, anadolu agéntliqigha bayanat bérip, rusiye we türkiye otturisidiki tik uchar ishlepchiqirishi heqqide toxtaldi.
andréy boginskiy türkiyege ot öchürüshke munasiwetlik «Ka-32» tipliq 3 tik uchar ayropilanni tapshurghanliqini bildürüp, «Ka-32» tipliq tik ucharlirining türkiyedin bashqa yene, yawropadiki her qaysi döletlerdimu ishlitiliwatqanliqini éytti.
boginskiy türkiye bilen rusiye otturisida téxnika we ishlepchiqirish jehettin hemkarliq ornitishqa bolidighanliqini tekitlep, «tik uchar téxnikisi we ishlepchiqirishta hemkarliqqa ochuqmiz. téma bazarning ehwali we ishlepchiqirilidighan mehsulatlarning kelgüsige munasiwetlik. biz bu sahede hemkarliqni muzakire qilishqa teyyarmiz»dédi.
boginskiy ötken yili jumhur reis rejep tayyip erdoghan bilen moskwa ziyaritide körükendin kéyin élan qilghan bayanatida, türkiye awiatsiye sanaiti shirkiti «TUSAŞ/TAI» teripidin ishlepchiqirilghan zapchaslarni rusiyede ishlitishke bolidighanliqini eskertip, «rusiye bolush süpitimiz bilen biz türkiye bilen birlikte tik uchar ishlepchiqirishning mumkinchilikini körmektimiz» dégen idi.
