мали перизиденти әскәрләр тәрипидин тутуп кетилгәндин кейин истепа бәргәнликини җакарлиди
түнүгүн кәчтә бир топ әскәрләр туралғусидин тутуп кәткән вә пайтәхт бамакодин 15 киломитир йирақлиқтики кати һәрбйий базиға елип берилған пирезидент кейта дөләт телевизийәсидә қисқичә нутуқ сөзлиди.
түркийә авази радийоси хәвири: мали пиезиденти кейта армийәни түзәтмигәнликини вә 10-ийулдин 12-ийулғичә өткүзүлгән намайишта қаза қилғанларға нисбәтәнму пушайманлиқ һес қилғанлиқини ейтти.
парламентни вә һөкүмәтниму әмәлдин қалдурғанлиқини тилға алған пирезидент кейта «һакимийәт бешида туруш үчүн қан төкүлүшни халимаймән» деди.
бамакоға йеқин һәрбий базида әтигәндә һәрикәтлиниш көрүлгән вә һәрбий аптомобиллар пайтәхткә қарап илгириләшкә башлиған иди.
армийәниң 2 гуруппиға бөлүнгәнлики вә қозғилаңчи әскәрләрдин башқа кейтаниң буйруқи билән иш қилидиған әскәрләрниңму барлиқи билдүрүлгән иди.
парламент башлиқи муса тимбинә, иқтисад вә малийә министири абдулла даффә вә ташқи ишлар министири теблә драмәниңму ийсанчи әскәрләр тәрипидин назарәткә елинғанлиқи уқтурулған иди.
кейта чүштин кейин бир топ әскәрләр тәрипидин тутуп кетилгән вә катидики бир һәрбий базиға елип берилған иди.
малида май ейидин буйан өктичи гуруппилар билән һөкүмәт оттурисида еғир тоқунушлар йүз бәрмәктә иди.
